sandhyakalchya kavita (Marathi Edition)

हा कवी ग्रेस यांचा पहिला कवितासंग्रह. यामध्ये अनंत संध्यावेळा एकवटल्या आहेत. संध्याकाळच्या वेळी दाटून आलेले गहन आणि गहिरे औदासिन्य, जडता, स्तब्धता आणि नि :शब्द एकटेपणा, गूढ पण उदात्त दु:ख आणि अशा दु: खातच पटणारी त्या अद्भूत शक्तीच्या अस्तित्त्वाची ओळख. याच वेळी ग्रेसचा आत्मा जागा होऊन गाऊ लागतो. संध्याकाळच्या या धूसर वातावरणात ग्रेसचे दु:ख फिरून फिरून जन्म घेते, ही वेदना पुन: पुन्हा जागी होते. प्रत्येक अनुभूतीतून, आठवणीतून, अस्तित्वाच्या प्रत्येक कणातून एक आर्त, मूक हाक येते ती या संध्याकाळच्या कवितांमधून.